విశాఖపట్నంలో తొలి వైద్య ఉపకరణాల ఉత్పాదక కేంద్రం మెడ్‌ టెక్‌ పార్క్‌ను ముఖ్యమంత్రి చంద్రబాబునాయుడు నేడు ప్రారంభించనున్నారు. పారిశ్రామిక ప్రాంతం గాజువాక దరి పెదగంట్యాడ మండలం పెదమదీనా పరిధిలో దాదాపు 70 ఎకరాల విస్తీర్ణంలో ఈ పార్క్‌ ఏర్పాటు చేశారు. గురువారం ఉదయం 10.45 గంటలకు సీఎం పెదమదీనా చేరుకుంటారు. పార్క్‌ను ప్రారంభించిన అనంతరం మధ్యాహ్నం 1.45 గంటల వరకు పార్క్‌ ఆవరణలో నూతనంగా నిర్మించిన అబ్దుల్‌కలాం కన్వెన్షన్‌ సెంటర్‌లో జరిగే ప్రత్యేక సదస్సులో పాల్గొంటారు.