గత నాలుగు రోజులుగా సోషల్ మీడియాలో సెన్సేషనల్ గర్ల్‌గా హల్‌చల్ చేస్తున్న మలయాళ నటి ప్రియా ప్రకాశ్ వారియర్‌పై హైదరాబాద్‌లో కేసు నమోదు అయింది. ముస్లిం మనోభావాలు దెబ్బతీసేలా ప్రియా నటించారని ఫలక్‌నుమా పోలీస్ స్టేషన్‌లో కేసును నమోదు చేశారు. ఆ పాటలోని కొన్ని మాటలు ముస్లింలకు అభ్యంతరకరంగా ఉన్నాయని.. ఆ పాటలో నటించిన ప్రియా ప్రకాష్ తమ మనోభావాలు దెబ్బతినేలా నటించిందని అందులో పేర్కొన్నారు. ఈ పాటను నిషేధించి, నటిపై చర్యలు తీసుకోవాలని వారు డిమాండ్ చేస్తున్నారు. అయితే ప్రియా ప్రకాష్ ఒరు ఆధార్ లవ్ అనే చిత్రంలో నటించగా.. దానికి సంబంధించిన ఓ పాట ఇటీవల విడుదలైంది. అందులో ఆమె పలికించిన హావభావాలకు కుర్రాలతో పాటు హీరోలు కూడా ఫిదా అవుతున్నారు.