తాజాగా సోషల్ మీడియా సెలబ్రిటీ ప్రియ ప్రకాశ్ వారియర్ మరో వీడియోతో కుర్రకారు గుండెలను కొళ్లగడుతోంది. వాలెంటైన్స్ డే సందర్భంగా మలయాళ చిత్రం ‘ఒరు ఆదార్ లవ్’లోని మరో సన్నివేశాన్ని ఆ చిత్ర యూనిట్ విడుదల చేసింది. తాజాగా విడుదలైన రెండో వీడియో కూడా సోషల్ మీడియాలో నెటిజన్లను విపరీతంగా ఆకట్టుకుంటోంది. తొలి వీడియో ఆదారంగా సోషల్ మీడియాలో కుప్పలుతెప్పలుగా వచ్చిన మెమ్స్ నవ్వులు పూయిస్తున్నాయి.  క్లాస్ రూంలో చిత్రీకరించిన ఈ సన్నివేశంలో ప్రియా వారియర్...తన చేతి వేళ్ల ‘కిస్ గన్‌’తో నటుడు రోషన్‌ను కాలుస్తోంది.