తమిళంలోనే కాదు తెలుగులో కూడా యూత్ ని అక్కటుకున్న చిత్రం '96'. విజయ్ సేతుపతి ... త్రిష జంటగా అక్టోబర్ లో ప్రేక్షకుల ముందుకు వచ్చిన '96' అనే తమిళ చిత్రం భారీ విజయాన్ని సొంతం చేసుకుంది. ఈ సినిమాలో నటించనున్నట్టు కొంతమంది కథానాయకుల పేర్లు వినిపించాయిగానీ, చివరికి శర్వానంద్ ను ఎంపిక చేసుకున్నారు. ఇక తమిళంలో త్రిష చేసిన పాత్ర కోసం ఆమెనే తీసుకున్నట్టుగా వార్తలు వచ్చాయి. కానీ సమంతను ఎంపిక చేసుకున్నారనేది తాజా సమాచారం. ఈ చిత్రం తెలుగులో చేయడానికి దిల్ రాజు రైట్స్ తీసుకున్నారు.