టాలీవుడ్ లో యూత్ లో మంచి క్రేజ్ తెచ్చుకున్నాడు విజయ్ దేవరకొండ. ప్రస్తుతం విజయ్ 'డియర్ కామ్రాడ్' చిత్రంలో నటిస్తున్నారు. ఈ చిత్రం షూటింగ్ దశలో ఉంది.  విజయ్ దేవరకొండపై ఒక సీన్ చిత్రీకరిస్తుండగా ఆయన ప్రమాదానికి గురయ్యాడు. ఒక సీన్లో ఆయన ఫుట్ ఓవర్ బ్రిడ్జ్ పై నుంచి వేగంగా మెట్లు దిగివచ్చి కదులుతోన్న ట్రైన్ ఎక్కాలి. అలా పరిగెత్తుకొచ్చి ట్రైన్ ఎక్కబోయిన ఆయన పట్టుతప్పి పడిపోయాడు. దాంతో అక్కడి సిబ్బంది వెంటనే తేరుకుని ఆయనను పక్కకి లాగేయడంతో పెద్ద ప్రమాదమే తప్పింది.విజయ్ దేవరకొండ వెంటనే తేరుకుని 'ఫరవాలేదు' అని చెప్పడంతో తేలికగా ఊపిరి పీల్చుకున్నారు. షూటింగ్ అనంతరం హోటల్ కి చేరుకున్న ఆయన, ఎడమ చేతికి తగిలిన దెబ్బలు చూపిస్తూ .. సోషల్ మీడియాలోఒక ఫోటో పోస్ట్ చేశాడు. 'లైఫ్ లో ఏదీ ఈజీగా రాదు' అంటూ ఒక కామెంట్ పెట్టాడు.