విశాఖ ఎయిర్పోర్టులో ప్రయాణికుల పడిగాపులు పడుతున్నారు.  పెథాయ్ తుఫాను ఎఫెక్ట్ విమానాల రాకపోకలపై పడడంతో విమానాల రాకపోకలకు అంతరాయం ఏర్పడింది. తుఫాను కారణంగా వాతావరణంలో మార్పులు చోటు చేసుకోవడంలో పలు విమానాలు ఆలస్యంగా నడుస్తున్నాయి. వాతావరణం అనుకూలించకపోవడంతో ఢిల్లీ- విశాఖ ఇండిగో విమానం హైదరాబాద్లో ల్యాండ్ అయ్యింది. అలాగే చెన్నై- విశాఖ విమానం తిరిగి చెన్నైకి  తిరుగివెళ్లింది. మరోవైపు,  హైదరాబాద్- విశాఖ స్పైస్ జెట్ విమానాన్ని రద్దు చేసారు. విశాఖ నుంచి ఇతర ప్రాంతాలకు వెళ్లాల్సిన దాదాపు 14 విమానాలు రద్దు అయినట్లు సమాచారం. దీంతో విశాఖ ఎయిర్పోర్టులో 700 మంది ప్రయాణికులు ప్రయాణాలు చేయకుండా ఆగిపోయారు.