'2.ఓ సినిమాతో భారీ విజయాన్ని సొంతం చేసుకున్న రజని ఎప్పుడు వరుస సినిమాలు చేస్తున్నారు. ప్రస్తుతం అయన 'పిజ్జా' ఫేమ్ కార్తీక్ సుబ్బరాజు దర్శకత్వంలో "పెట్ట" చిత్రం చేస్తున్న సంగతి తెలిసిందే. తాజాగా ఆయన మురుగదాస్ దర్శకత్వంలో మరో ప్రాజెక్టును లైన్లో పెడుతున్నారంటూ గత కొన్ని రోజులుగా వార్తలొస్తున్నాయి.  ఈ వార్తపై మురుగదాస్ స్పందిస్తూ, తమ కాంబినేషన్లో సినిమా రూపొందనున్న విషయం నిజమేనని చెప్పారు. అయితే అంతా కూడా ఈ సినిమా రాజకీయాల నేపథ్యంలో ఉంటుందని అనుకుంటున్నారనీ, కానీ ఈ సినిమా మాస్ యాక్షన్ ఎంటర్టైనర్ గా ఉంటుందని అన్నారు.