ఆయిల్ మార్కెట్ కంపెనీలు పెట్రోలు, డీజిల్ ధరలను మరోసారి సవరించడంతో మంగళవారం (డిసెంబరు 18) దేశవ్యాప్తంగా పెట్రోలు, డీజిల్ ధరలు పెరిగాయి. దీంతో దేశ రాజధాని ఢిల్లీలో 10 పైసలు పెరిగిన పెట్రోలు ధర రూ.70.63 కి చేరింది. డీజిల్ ధర 7 పైసలు పెరిగి రూ.64.54 కి చేరింది. ఇక వాణిజ్య రాజధాని ముంబయిలోనూ 10 పైసలు పెరిగిన పెట్రోలు ధర రూ.76.25 కి చేరింది. డీజిల్ ధర 8 పైసలు పెరిగి రూ.67.55 కి చేరింది. ఇక తెలుగు రాష్ట్రాల విషయాన్నికొస్తే.. హైద‌రాబాద్‌లో లీట‌ర్ పెట్రోల్ ధర 11 పైసలు పెరిగి రూ.74.91, డీజిల్ ధర 7 పైసలు పెరిగి రూ.70.14 కి చేరింది. విజయవాడలో లీట‌ర్ పెట్రోల్ ధ‌ర రూ.74.40, డీజిల్ ధర రూ.69.28 గా ఉన్నాయి.