సూపర్ స్టార్ రజనీకాంత్ నటించిన 'కబాలి' సినిమాలో ధన్సిక ఆయన కుమార్తెగా నటించింది. ప్రస్తుతం ఆమె తెలుగులో 'వాలు జడ' సినిమాతో పాటు, తమిళంలో 'యోగి డా' చిత్రంలో నటిస్తోంది. తమిళ సినిమా షూటింగ్ సందర్భంగా జరిగిన ప్రమాదంలో ఆమె గాయపడింది. బార్ లో యాక్షన్ సీన్ చిత్రీకరిస్తుండగా ఆమె ప్రమాదానికి గురైంది. యాక్షన్ సన్నివేశం షూటింగ్ లో భాగంగా కొందరు రౌడీలు ధన్సికపై బీర్ బాటిళ్లు విసరాలి. ఈ సన్నివేశం చిత్రీకరిస్తుండగా... పగిలిన గాజు ముక్క ఒకటి ఆమె కంటి కింద భాగంలో గుచ్చుకుంది. గాయపడ్డ ఆమెను యూనిట్ సభ్యులు హుటాహుటిన ఆసుపత్రికి తరిలించారు.