ఆసీస్ తో జరుగుతున్న బాక్సింగ్‌ డే టెస్టులో భారత బ్యాట్స్‌మెన్‌ అదరగొట్టారు. తొలి ఇన్నింగ్స్‌ను టీమిండియా 443/7 వద్ద డిక్లేర్‌ చేసింది. 215/2 ఓవర్‌నైట్‌ స్కోరుతో బ్యాటింగ్‌ ప్రారంభించిన కోహ్లీసేన రెండో రోజు 228 పరుగులను జోడిచింది. తొలి ఇన్నింగ్స్‌లో పాట్‌ కమిన్స్‌కు మూడు వికెట్లు, మిచెల్ స్టార్క్‌కు రెండు, హేజిల్‌వుడ్‌, నాథన్‌ లైయన్‌ చెరో వికెట్‌ దక్కాయి.  టీమిండియా 443/7 వద్ద ఇన్నింగ్స్ డిక్లేర్‌ చేసిన అనంతరం పైన్ సేన తొలి ఇన్నింగ్స్‌ ప్రారంభించింది. రెండో రోజు ఆట ముగిసే సమయానికి ఆసీస్‌ ఆరు ఓవర్లలో 8 పరుగులు చేసింది. ఓపెనర్లు ఫించ్‌(3; బ్యాటింగ్‌), మార్కస్‌ హారిస్‌(5; బ్యాటింగ్‌) క్రీజులో ఉన్నారు.