సమంత.. 'అలా మొదలైంది' ఫేమ్ నందిని రెడ్డి కొరియాలో ఘన విజయం అందుకున్న ‘మిస్‌ గ్రానీ’ అనే చిత్రాన్ని రీమేక్ చేస్తున్నారు.. ఈ చిత్రానికి ‘ఓ బేబీ’, ‘ఎంత సక్కగున్నావే..’ అనే టైటిల్ ను ఖరారు చేసారు. ఈ చిత్రంలో  సమంత 70 ఏళ్ల వృద్ధురాలిగా, 20 ఏళ్ళ యువతీ పాత్రలలో కనిపిస్తుంది. ఓ 70 ఏళ్ల వృద్ధురాలు ఫొటో తీయించుకునేందుకు ఓ స్టూడియోకి వెళుతుంది. అక్కడ ఫొటో తీయించుకుని బయటకు వచ్చాక అచ్చం తన పోలికలతో ఉన్న 20 ఏళ్ల యువతి కనిపిస్తుంది. ఆ తర్వాత వీరిద్దరి మధ్య ఎలాంటి సంఘటనలు చోటుచేసుకున్నాయన్నదే కథ. ఈ చిత్రంలో 70 ఏళ్ల వృద్ధురాలి పాత్ర సమంతకి కుమారుడిగా రావు రమేశ్‌ నటించనున్నట్లు టాలీవుడ్‌ వర్గాల సమాచారం.