నటి ఫ్లోరా సైని.. తెలుగు ప్రేక్షకులకు ఆశా సైనిగా సుపరిచితురాలు. కేవలం టాలీవుడ్‌లోనే కాకుండా కన్నడ, తమిళం, హిందీ సినిమాల్లోనూ సైని నటించింది. 1999లో ‘ప్రేమ కోసం’ చిత్రంతో వెండితెరకు పరిచయమైన సైని సుమారు 50 చిత్రాల్లో నటించింది. నందమూరి బాలకృష్ణ, వెంకటేష్, రజినీకాంత్, రాజశేఖర్, జగపతిబాబు, విజయ్‌కాంత్, కార్తిక్, ప్రభు వంటి సౌతిండియన్ స్టార్ల సరసన మెరిసింది. కొంతకాలంగా సినిమా అవకాశాలు తగ్గడంతో టీవీ డ్యాన్స్ షోలకు న్యాయనిర్ణేతగానూ వ్యవహరించింది. అయితే, తాజాగా ఓ హాట్ వెబ్‌ సిరీస్‌లో సైని నటించింది. త్వరలో విడుదల కానున్న ఈ వెబ్ సిరీస్‌లో సైని నగ్నంగా కనిపించనున్నట్లు సమాచారం. బాలీవుడ్ యువ నిర్మాత ఏక్తా కపూర్ నిర్మించిన వెబ్ సిరీస్ ‘గంది బాత్’కు మంచి స్పందన వచ్చింది. ఇప్పుడు దీనికి కొనసాగింపుగా ‘గంది బాత్ 2’ను నిర్మించారు. ఈ రెండో పార్ట్‌లో ఆశా సైని కూడా నటించింది. త్వరలో ప్రసారం కానున్న ఈ సిరీస్‌లో సైని తన అందాలను ఆరబోయనుంది. కైపెక్కించే సన్నివేశాలతో కుర్రకారు మనసును హీటెక్కించనుంది. ‘గంది బాత్ 2’లో తన పాత్ర గురించి తాజాగా ఆశా సైని మీడియాతో మాట్లాడింది. ‘ఈ వెబ్ సిరీస్ రెండో సీజన్‌లో నేను భాగమైనందుకు చాలా సంతోషంగా ఉంది. ఒకే ఇంట్లో ఉండే ఇద్దరు సోదరులు నాతో ప్రేమలో పడతారు. నా సన్నివేశాల్లో స్కిన్ షో‌కు ప్రాధాన్యత ఎక్కువగా ఉంటుంది. హాట్ సన్నివేశాలను దర్శకుడు సచిన్ మోహిత్ మరింత రసమయంగా చిత్రీకరించారని నేను భావిస్తున్నాను. ఇలాంటి శృంగారభరిత సన్నివేశాల్లో నటించడం ఛాలెంజింగ్‌గా అనిపిస్తుంది. అందుకే ఒక నటిగా ఆ పాత్రను నేను ఎన్నుకున్నాను. అవసరమైతే నగ్నంగా నటించడానికి కూడా నేను సిద్ధం’ అని ఆశా సైని స్పష్టం చేసింది.