టీమిండియా-ఆసీస్‌ మధ్య జరుగుతున్న బాక్సింగ్ డే టెస్టు తొలి ఇన్నింగ్స్‌లో భారత బౌలర్ల ధాటికి ఆసీస్ 151 పరుగులకే కుప్పకూలింది. 8/0 ఓవర్‌ నైట్‌ స్కోరుతో మూడో రోజు తొలి ఇన్నింగ్స్‌ కొనసాగించిన పైన్‌ సేన ఆది లోనే మూడు వికెట్లు కోల్పోయింది. సారథి క్రీజులో కాసేపు నిలదొక్కుకున్నట్లు కన్పించినప్పటికీ  ఆసీస్‌ పరుగులు మాత్రం రాబట్టలేకపోయింది.  బుమ్రా ఆరు వికెట్లు తీసి తన కెరీర్‌ బెస్ట్‌ నమోదు చేశాడు. జడేజా రెండు వికెట్లు, ఇషాంత్‌, షమీ చెరొక వికెట్‌ తీశారు. దీంతో తొలి ఇన్నింగ్స్‌లో భారత్‌కు 292 పరుగుల ఆధిక్యం లభించింది.