బాక్సింగ్‌ డే టెస్టు రెండో ఇన్నింగ్స్‌లో భారత బ్యాట్స్‌మెన్‌ తడబడుతున్నారు. మూడో రోజు ఆట ముగిసే సమయానికి టీమిండియా 5 వికెట్ల నష్టానికి 54 పరుగులు చేసింది. పుజారా, కోహ్లీ డకౌట్‌ అవ్వడంతో భారీ లక్ష్యాన్ని ఆతిథ్య జట్టు ముందుంచే అవకాశం దాదాపుగా టీమిండియా చేజారినట్లయింది. పాట్‌ కమిన్స్‌ నాలుగు వికెట్లు, హేజిల్‌వుడ్‌ ఒక వికెట్‌ తీసి టీమిండియా బ్యాట్స్‌మెన్‌ దూకుడును అడ్డుకున్నారు. దీంతో కోహ్లీసేన మూడో రోజు ఆట ముగిసే సమయానికి 54 పరుగులు చేసింది. ప్రస్తుతం టీమిండియా 346 పరుగుల ఆధిక్యంలో ఉంది.