నాలుగోరోజే విజ‌యం సాధించాల‌న్న భార‌త్ ఆశ‌ల‌పై ఆస్ట్రేలియా బౌల‌ర్ క‌మ్మిన్స్‌ నీళ్లు చ‌ల్లాడు. నాలుగో రోజు ఆట ముగిసే సమయానికి ఆసీస్‌ ఎనిమిది వికెట్ల నష్టానికి 258 పరుగులు చేసింది. ఆసీస్‌ బ్యాట్స్‌మెన్‌ పెవిలియన్‌ చేరిన తీరు చూస్తే నాలుగో రోజే టెస్టు పూర్తవుతుందని అనుకున్నారంతా. టాప్‌, మిడిలార్డర్లు విఫలమయినప్పటికీ టెయిలెండర్లు కుదురుకున్నారు. మరో 30 నిమిషాలు అట పొడిగించినప్పటికీ భారత్‌కు వికెట్లు మాత్రం చిక్కలేదు. జడేజా మూడు వికెట్లు, బుమ్రా, షమీ చెరో రెండు వికెట్లు తీయగా ఇషాంత్ ఖాతాలో ఒక వికెట్‌ పడింది.  ప్రస్తుతం టీమిండియా 141 పరుగులు ఆధిక్యంలో ఉంది.