తెలంగాణ హైకోర్టు తొలి ప్రధాన న్యాయమూర్తిగా జస్టిస్ రాధాకృష్ణన్ మంగళవారం ఉదయం ప్రమాణ స్వీకారం చేశారు. రాజ్భవన్లో గవర్నర్ నరసింహన్ ఆయనతో ప్రమాణ స్వీకారం చేయించారు.  ఈ కార్యక్రమానికి ముఖ్యమంత్రి కేసీఆర్ హాజరయ్యారు. సీజే ప్రమాణ స్వీకారం సందర్భంగా సీఎం కేసీఆర్ హైకోర్టుకు వెళ్లారు. తరువాత తెలంగాణకు హైకోర్టు చీఫ్ జస్టిస్ చేతుల మీదుగా ఇతర న్యాయమూర్తులు ప్రమాణ స్వీకారం చేసారు. ఈ కార్యక్రమానికి పెద్ద సంఖ్యలో హాజరైన న్యాయవాదులు,మాజీ మంత్రులు,ఎమ్మెల్యేలు, ఎమ్మెల్సీలు, సీపీలు హజరయ్యారు.  జస్టిస్ పులిగోరు వెంకట సంజయ్ కుమార్,  జస్టిస్ మామిడాల సత్యరత్న శ్రీ రామచంద్ర రావు,  జస్టిస్ అడవల్లి రాజశేఖర్ రెడ్డి, జస్టిస్ పొనుగోటి నవీన్ రావ్,  జస్టిస్ చల్లా కోదండరాం చౌదరి, జస్టిస్ బులుసు శివ శంకర్ రావు,  జస్టిస్ డా. షమీమ్ అఖ్తర్, జస్టిస్ పొట్లపల్లి కేశవ రావు, జస్టిస్ అభినంద్ కుమార్ షావిలి, జస్టిస్ తోడుపునూరి అమర్నాథ్ గౌడ్, జస్టిస్ వి రామ సుబ్రహ్మణ్యన్, ఆర్ ఎస్ చౌహన్ లు ప్రమాణస్వీకారం చేసారు. 

జనవరి 1న సెలవుదినం కావడంతో హైకోర్టు కార్యకలాపాలు ఉండవు. బుధవారం నుంచి కొత్త హైకోర్టు కొలువుదీరుతుంది. సెలవు అయినప్పటికీ మంగళవారమే ఇరు రాష్ట్రాల ప్రధాన న్యాయమూర్తులు ప్రమాణ స్వీకారం చేసారు. రాజ్భవన్లో కార్యక్రమం ముగిసిన వెంటనే గవర్నర్ నరసింహన్ ప్రత్యేక విమానంలో ఏపీ రాజధాని అమరావతికి వెళ్లారు.  అక్కడ కొత్తగా ఏపీ హైకోర్టు తాత్కాలిక ప్రధాన న్యాయమూర్తి జస్టిస్ సి.ప్రవీణ్ కుమార్, తరువాత మరో 13 మంది న్యాయమూర్తులతో ప్రమాణ స్వీకారం చేయించారు. ఈ కార్యక్రమం విజయవాడలోని ఇందిరాగాంధీ మున్సిపల్ స్టేడియంలో జరిగింది. ఏపీ హైకోర్టు  న్యాయమూర్తులుగా వెంకట నారాయణభట్టి, వెంకట శేషసాయి, సీతారామమూర్తి, దుర్గా ప్రసాదరావు, సునీల్ చౌదరి, సత్యనారాయణమూర్తి, శ్యాంప్రసాద్, ఉమాదేవి, బాలయోగి, రజని, సుబ్రహ్మణ్య సోమయాజులు, విజయలక్ష్మి, గంగారావులు ప్రమాణ స్వీకారం చేశారు. ప్రమాణ స్వీకారోత్సవ కార్యక్రమానికి ముఖ్యమంత్రి చంద్రబాబు నాయుడు, న్యాయమూర్తులు, మంత్రులు హాజరయ్యారు.