టాలీవుడ్ వెటరన్ హీరోయిన్, నటి దివ్యవాణి తెలుగు దేశం పార్టీలో చేరారు. పార్టీ అధినేత చంద్రబాబు నాయుడు సమక్సంలో పసుపు కండువా కప్పుకున్నారు. టీడీపీలో చేరడం ఆనందంగా ఉందన్నారు దివ్యవాణి. పార్టీ బలోపేతం, రాబోయే ఎన్నికల్లో విజయం సాధించడానికి తనవంతు కృషి చేస్తానన్నారు. ఇకపై ఎక్కువ సమయం టీడీపీకి కేటాయిస్తానన్నారు. గతేడాది నవంబర్‌లోనే చంద్రబాబును కలిశారు. అప్పుడే టీడీపీలో చేరతారని ప్రచారం జరిగింది. ఇటు దివ్యవాణితో పాటూ కృష్ణా జిల్లా పామర్రు ఎమ్మెల్యే ఉప్పులేటి కల్పన భర్త.. రిటైర్డ్ ఐఆర్‌ఎస్ అధికారి దేవీ ప్రసాద్ కూడా సైకిలెక్కారు. చంద్రబాబు సమక్షంలో టీడీపీ తీర్థం పుచ్చుకున్నారు. చంద్రబాబు ఆయనకు పసుపు కండువా కప్పి పార్టీలోకి సాదరంగా ఆహ్వానించారు. కల్పన భర్త ఐటీ అధికారిగా పనిచేసి రిటైర్డ్ అయ్యారు. దేవ ప్రసాద్ కూడా వచ్చే ఎన్నికల్లో పోటీ చేయాలనే ఆలోచనలో ఉన్నారనే ప్రచారం జరుగుతోంది.