‘2019 పార్లమెంట్ ఎన్నికల నేపద్యం లో  జనసేన అధ్యక్షుడు పవన్‌ కల్యాణ్‌ విజయవాడ నుంచి నేడు తన ప్రచారానికి శ్రీకారం చుట్టారు. ఈ సందర్బంగా ఆంధ్రప్రదేశ్‌కు బంగారు భవిష్యత్తు ఉండాలని అన్నారు. ‘2019 ఎన్నికల ప్రచారానికి ఈ నూతన సంవత్సరంలో ఆంధ్రప్రదేశ్‌కు బంగారు భవిష్యత్తు ఉండాలి, జనసేన పార్టీ కీలక పాత్ర పోషించాలి. మనమందరం కష్టపడి పనిచేద్దాం, జనసేనని గెలిపించుకుందాం. ఇది జరగాలని మనస్ఫూర్తిగా కోరుకుంటున్నా’ అని పవన్‌ చెప్పారు. ఈ మేరకు జనసేన పార్టీ ట్వీట్లు చేసింది.2019 సంవత్సరంలోకి అడుగు పెట్టిన సందర్భంగా పవన్‌ అభిమానులకు సందేశం ఇచ్చారు. ‘గత ఏడాది అనుభవాలను ప్రేరణగా తీసుకుని నూతన నిర్ణయాలతో ముందడుగు వేద్దాం. ఈ కొత్త సంవత్సరంలో సామాన్యుడే రాజై వెలగాలని.. మానవీయ పాలనకు నవ చరిత్రకు ఇది శ్రీకారం కావాలని ఆకాంక్షిస్తున్నాను’ అని పవన్‌ చెప్పారు.