భారత్ - ఆస్ట్రేలియా మధ్య జరుగుతున్న చివరి టెస్టులో టీమిండియా బ్యాట్స్‌మెన్‌ దూకుడుగా ఆడుతున్నారు. ఆసీస్‌ కట్టుదిట్టమైన బౌలింగ్‌ను ఎదుర్కొంటున్నాడు. ప్రస్తుతం రిషబ్‌ పంత్‌(53), జడేజా(6) క్రీజులో ఉన్నారు. 135 ఓవర్లు పూర్తయ్యేసరికి టీమిండియా ఆరు వికెట్లు కోల్పోయి 435 పరుగులు చేసింది. రిషబ్‌ పంత్‌ అర్ధశతకం పూర్తి చేసుకున్నాడు. ఆసీస్‌గడ్డపై అతడికిది తొలి అర్ధశతకం కావడం గమనార్హం. మరోవైపు  తొలి రోజు నుంచి ఆసీస్‌ బౌలర్లను ఆటాడుకుంటూ ద్విశతకానికి దగ్గరగా వచ్చిన పుజారాను నాథన్‌ లైయన్‌ పెవిలియన్‌కు పంపాడు. ఇన్నింగ్స్‌ 130వ ఓవర్లో నాథన్‌ వేసిన చివరి బంతిని ఆడిన పుజారా (193) అతడికే క్యాచ్‌ ఇచ్చి వెనుదిరిగాడు.