ఆస్తుల కేసులో వైసీపీ అధినేత, ప్రతిపక్షనేత వైఎస్ జగన్‌ మోహన్ రెడ్డి దాఖలు చేసిన డిశ్చార్జ్‌ పిటిషన్లపై సీబీఐ కోర్టు మళ్లీ విచారణ చేపట్టనుంది. ఇటీవల ఉమ్మడి తెలుగు రాష్ట్రాల హైకోర్టుల విభజనతో కేసులు మళ్లీ మొదటికొచ్చాయని, ఆంధ్రా మోదీని కాపాడటానికి ప్రధాని నరేంద్ర మోదీ విశ్వ ప్రయత్నాలు చేస్తున్నారని ఏపీ మంత్రి నారా లోకేష్ ఆరోపించారు. ప్రజా ధనాన్ని జగన్ దోచుకున్నారని అలాంటి వ్యక్తి కేంద్రం సాయం చేసేందుకు మరో కుట్రకు తెరలేపిందని వరుస ట్వీట్లు చేశారు. సీబీఐ ఇప్పుడు బీబీఐ మారింది అనడానికి ఇంత కన్నా మంచి ఉదాహరణ ఏమి ఉంటుంది. ఆంధ్రా మోడీని కాపాడటానికి ఢిల్లీ మోడీగారు సీబీఐని బీజేపీ బ్యూరో ఆఫ్ ఇన్వెస్టిగేషన్ (బీబీఐ)గా మార్చారు’, ‘ప్రజా ధనాన్ని నిలువునా దోచిన జగన్ గారికి కేసుల నుండి విముక్తి కల్పించి ఆంధ్రప్రదేశ్ ని దెబ్బతియ్యాలి అని కేంద్రం మరో కుట్రకి తెరలేపిందని ట్వీట్ చేశారు. జగన్ కేసుల వాదనలు మళ్లీ ప్రారంభం కానున్న నేపథ్యంలో నారా లోకేష్ పలు అనుమానాలు వ్యక్తం చేశారు.  వైఎస్ జగన్ ఆస్తుల కేసులపై రెండున్నరేళ్లుగా విచారణ కొనసాగుతుండగా న్యాయమూర్తి బదిలీతో విచారణ మళ్లీ మొదటికొచ్చింది. సీబీఐ ఈడీ కోర్టులో జగన్‌ ఆస్తుల కేసు తదుపరి విచారణ ఈ నెల 25కి వాయిదా పడింది. ఈ కేసులో మొత్తం 11 అభియోగాలను సీబీఐ నమోదు చేయగా, 4 కేసుల్లో వాదనలు పూర్తయ్యాయి. సిబిఐ ఇప్పుడు బిబిఐ గా మారింది అనడానికి ఇంత కన్నా మంచి ఉదాహరణ ఏమి ఉంటుంది. ఆంధ్రా మోడీ ని కాపాడటానికి ఢిల్లీ మోడీ గారు సిబిఐ ని బీజేపీ బ్యూరో ఆఫ్ ఇన్వెస్టిగేషన్ గా మార్చారంటూ ట్వీట్ చేశారు. అయితే ఒక కేసులో తీర్పు వెల్లడిస్తే ఇతర కేసులపై ప్రభావం చూపుతుందని తీర్పులను పెండింగ్‌లో ఉంచారు. మరోవైపు తాము ఏ నేరం చేయలేదని జగన్, వైసీపీ ఎంపీ విజయసాయిరెడ్డి, ఇతర నిందితులు దాఖలు చేసిన పిటిషన్లపై దాదాపు రెండున్నరేళ్లుగా విచారణ కొనసాగుతోంది.