ఆసీస్‌తో జరుగుతున్న చివరి టెస్టు తొలి ఇన్నింగ్స్‌లో టీమిండియా బౌలర్లు విజృంభించారు. దీంతో 300 పరుగులకే ఆసీస్‌ ఆలౌట్ అయింది. 236/6 ఓవర్‌ నైట్‌ స్కోరుతో ఆసీస్‌ నాలుగో రోజు బ్యాటింగ్‌ ప్రారంభించింది. అయితే, వర్షం కారణంగా మ్యాచ్‌ మూడు గంటల ఆలస్యంగా మొదలైంది. నాలుగో రోజు 20 ఓవర్లు ఆడి 64 పరుగులు మాత్రమే జోడించి ఆసీస్‌ తొలి ఇన్నింగ్స్‌ను ముగించింది. కుల్‌దీప్ యాదవ్‌ ఐదు వికెట్లు తీయగా, షమీ, జడేజా చెరో రెండు వికెట్లు తీశారు. బుమ్రా ఖాతాలో ఒక వికెట్ పడింది. భారత్‌ 322 పరుగుల ఆధిక్యంలో ఉంది. ఆసీస్‌ ఫాలోఆన్‌ ఆడుతోంది.