కొరియోగ్రాఫర్, దర్శకుడు లారెన్స్ దర్శకత్వం వహించిన కాంచన సిరీస్ నుంచి మరో చిత్రం వచ్చేస్తుంది. దర్శక నిర్మాతగా కొంత గ్యాప్ తీసుకున్న ఆయన 'కాంచన 3'ని రూపొందించాడు. వేదిక .. నిక్కీ తంబోలి .. ఓవియా ఈ సినిమాలో కథానాయికలుగా కనిపించనున్నారు. లారెన్స్ నిర్మిస్తోన్న ఈ సినిమా తాజాగా షూటింగును పూర్తి చేసుకుంది. ఈ నేపథ్యంలో ఈ సినిమా నుంచి ఫస్టులుక్ పోస్టర్ ను వదిలారు. రుద్రాక్షలు ధరించిన మధ్య వయస్కుడిగా .. స్టైల్ గా .. లారెన్స్ కాలుపై కాలు వేసుకుని కూర్చున్న ఈ పోస్టర్, ఆయన అభిమానులను ఆకట్టుకునేదిగా వుంది. ఈ చిత్రాన్ని ఏప్రిల్ 18వ తేదీన విడుదల చేయనున్నారు.