సూపర్ స్టార్ మహేశ్ బాబు  ఎఫ్ 2 చిత్రం ఫై ట్విట్టర్ వేదికగా స్పందించాడు. ‘ఎఫ్ 2 సినిమా చూశా. పూర్తి వినోదాత్మక చిత్రం. చాలా ఎంజాయ్‌ చేశా.. వెంకీ సర్‌ తన పాత్రలో అద్భుతంగా ఒదిగిపోయారు, అది చాలా ఫన్నీగా అనిపించింది.. బ్రిలియంట్‌. వరుణ్‌తేజ్‌ పాత్ర కూడా చాలా సరదాగా ఉంది. వెంకీ సర్‌ టైమింగ్‌కు వరుణ్ సరిగ్గా‌ సరిపోయాడు’ అని మహేశ్‌ ట్వీట్ చేశాడు. విక్టరీ వెంకటేశ్, వరుణ్ తేజ్ కలిసి నటించిన మల్టీస్టారర్ సినిమా ‘ఎఫ్ 2- ఫన్ అండ్ ఫ్రస్ట్రేషన్’ ప్రస్తుతం థియేటర్లలో సందడి చేస్తోంది. అనిల్‌ రావిపూడి దర్శకత్వం వహించిన ఈ సినిమాలో తమన్నా, మెహరీన్ కథానాయికలుగా నటించారు.