నేడు కృష్ణంరాజు పుట్టినరోజు కావడంతో, ఓ దినపత్రికకు ప్రత్యేక ఇంటర్వ్యూ ఇచ్చిన ఆయన పలు విశేషాలను పంచుకున్నారు. తాను 50 సంవత్సరాలుగా ఇండస్ట్రీలో ఉన్నానని, అప్పట్లో హీరోల మధ్య ఎటువంటి సత్సంబంధాలుండేవో, ఇప్పుడు మహేశ్, ఎన్టీఆర్, చరణ్, ప్రభాస్ ల మధ్య అటువంటి సంబంధాలే ఉన్నాయని అభిప్రాయపడ్డారు. త్వరలోనే గోపీకృష్ణ మూవీస్ బ్యానర్ లో ప్రభాస్ పై లవ్ స్టోరీ నిర్మిస్తామని, అందులో తాను కూడా ఓ కీలక పాత్రను పోషిస్తున్నానని చెప్పారు.  తనను ప్రభాస్ వివాహం గురించి చాలా మంది అడుగుతున్నారని, 'సాహో' సినిమా విడుదల కాగానే ఆ వేడుక ఉంటుందని రెబల్ స్టార్ కృష్ణంరాజు వ్యాఖ్యానించారు. 'బాహుబలి' తరువాత తెలుగు సినిమా ఖ్యాతి అంతర్జాతీయ స్థాయికి పెరిగిందని అన్నారు.