మెగా ఫ్యామిలీ నుంచి మరో హీరో ఎంట్రీ ఇవ్వబోతున్నాడు. చిరంజీవి మేనల్లుడిగా సాయిధరమ్ తేజ్ కొంతకాలం క్రితం తెలుగు తెరకి హీరోగా పరిచయమయ్యాడు. ఇప్పుడు తన తమ్ముడు వైష్ణవ తేజ్  కూడా నటనవైపే మొగ్గు చూపాడు. ఆయన హీరోగా ఒక సినిమాను రూపొందించడానికి దర్శకుడు బుచ్చిబాబు రంగంలోకి దిగాడు. సుకుమార్ .. మైత్రీ మూవీ మేకర్స్ వారు సంయుక్తంగా నిర్మిస్తోన్న ఈ సినిమా, కొంతసేపటి క్రితమే పూజా కార్యక్రమాలను జరుపుకుంది. చిరంజీవి క్లాప్ కొట్టడంతో తొలి షాట్ ను నాయకా నాయికలపై చిత్రీకరించారు.