బాలీవుడ్ ప్రముఖ నటి కరీనా కపూర్ రాజకీయాలలోకి ఎంట్రీ ఇవ్వబోతున్నారు. మధ్యప్రధేశ్‌లో అత్యంత కీలక స్థానమైన భోపాల్‌ నగర లోక్‌ సభ స్థానం నుంచి పటౌడీ ఇంటి కోడలు కరీనా కపూర్‌ను బరిలోకి దించేయోచనలో కాంగ్రెస్‌ ఉన్నట్లు తెలుస్తోంది. అసెంబ్లీ ఎన్నికల గెలుపులో కీలక పాత్ర పోషించిన గుడ్డు చౌహాన్‌, అనీస్‌ ఖాన్‌ వంటి స్థానిక నాయకులు కరీనాను లోక్‌సభ ఎన్నికల బరిలోకి దించాలని డిమాండ్‌ చేస్తున్నారు. ఈ విషయంపై రాష్ట్ర ముఖ్యమంత్రి కమల్‌నాథ్‌తోనూ చర్చించాలని వారు నిర్ణయించుకున్నట్లు సమాచారం.