పసిడి ధర పెరిగింది. దేశీ మార్కెట్‌లో వరుసగా రెండు రోజులుగా పడుతూ వచ్చని బంగారం ధర సోమవారం పెరిగింది. పది గ్రాముల బంగారం ధర రూ.40 పెరుగుదలతో రూ.33,200కు చేరింది. దేశీ జువెలర్ల నుంచి డిమాండ్ పెరగడం ఇందుకు కారణం. పెళ్లిళ్ల సీజన్ సానుకూల ప్రభావం చూపింది. బంగారం ధర పెరిగితే.. వెండి ధరలు మాత్రం స్థిరంగా కొనసాగాయి. కేజీ వెండి ధర రూ.40,100 వద్దే ఉంది. పరిశ్రమ యూనిట్లు, నాణేపు తయారీదారుల నుంచి డిమాండ్ స్తబ్దుగా ఉండటం ఇందుకు కారణం. సానుకూల అంతర్జాతీయ పరిస్థితులు, పెళ్లిళ్ల సీజన్ డిమాండ్ అందుకోవడానికి దేశీ జువెలర్ల నుంచి కొనుగోళ్లు పెరగడం వంటి అంశాలు బంగారంపై పాజిటివ్ ప్రభావం చూపాయని ట్రేడర్లు పేర్కొన్నారు. అంతర్జాతీయంగా బంగారం ధర ఔన్స్‌కు 0.09 శాతం పెరుగుదలతో 1,283.40 డాలర్లకు చేరింది. అయితే వెండి ధర మాత్రం ఔన్స్‌కు 15.39 డాలర్లకు తగ్గింది. ఢిల్లీలో పది గ్రాముల 24 క్యారెట్ల బంగారం ధర రూ.40 పెరుగుదలతో రూ.33,200కు, 22 క్యారెట్ల బంగారం ధర రూ.40 పెరుగుదలతో రూ.33,050కు పెరిగింది. కాగా బంగారం ధర గత రెండు సెషన్లలో రూ.140 మేర తగ్గింది. ఇక ప్రభుత్వ సార్వభౌమ పసిడి పథకంలో 8 గ్రాముల బంగారం ధర స్థిరంగా రూ.25,500ల వద్ద కొనసాగుతోంది. కేజీ వెండి ధర స్థిరంగా రూ.40,100 వద్ద కొనసాగితే.. వారాంతపు ఆధారిత డెలివరీ ధర రూ.58 తగ్గుదలతో రూ.39,140కి క్షీణించింది. ఇక 100 వెండి నాణేల కొనుగోలు, అమ్మకం విషయానికి వస్తే.. కొనుగోలు ధర రూ.77,000 ఉండగా.. అమ్మకం ధర రూ.78,000గా స్థిరంగా కొనసాగాయి