యువ్ న్యూస్ ఫిల్మ్ బ్యూరో:

వెంకటేశ్, వరుణ్ తేజ్.. కలిసి అనిల్ రావిపూడి దర్శకత్వంలో నటించిన మల్టీస్టారర్ ‘ఎఫ్2’ సంక్రాంతి కి వచ్చి కామెడీ ఎంటర్‌టైనర్‌గా ప్రేక్షకులను బాగా ఆకట్టుకుంటోంది. దీంతో ఈ చిత్రం బాక్సాఫీస్ వద్ద కలెక్షన్ల వర్షం కురిపిస్తోంది. రూ.30 కోట్ల బడ్జెట్‌తో రూపొందించిన ఈ చిత్రం ఇప్పటికి దాదాపు రూ.70 కోట్లు వసూలు చేసిందని సినీ ట్రేడ్ వర్గాలు అంచనా వేస్తున్నాయి. ఈ నెల 12న ప్రేక్షకుల ముందుకు వచ్చిన ‘ఎఫ్2’ తొలి వారంలోనే ప్రపంచ వ్యాప్తంగా రూ.61.43 కోట్లు వసూలు చేసిందట.