యువ్ న్యూస్ ఫిల్మ్ బ్యూరో:

సమంత వరుస చిత్రాలతో బిజీగా ఉంది. శివ నిర్వాణ దర్శకత్వంలో 'మజిలీ' అనే చిత్రం తెరకెక్కుతుంది. ఈ చిత్రంలో నాగ చైతన్య తో పెళ్లి తరువాత జోడి కడుతుంది సమంత. మరోవైపు నందిని రెడ్డి దర్శకత్వంలో 'మిస్ గ్రానీ' అనే కొరియన్ చిత్రం రీమేక్ లో నటిస్తుంది.  ఈ సినిమాకి 'ఓ బేబీ' అనే టైటిల్ ను పరిశీలిస్తున్నట్టుగా వార్తలు వచ్చాయి. 'ఎంత సక్కంగున్నావే' అనేది ట్యాగ్ లైన్ గా పెట్టాలనుకున్నారు. అయితే 'ఓ బేబీ' కాకుండా 'బేబీ' అనే టైటిల్ ను ఖరారు చేశారనేది తాజా సమాచారం.