వైకాపా ఒక పిచ్చుక గువ్వలాంటి పార్టీ అని, ఆ పార్టీకి కాంగ్రెస్‌ను విమర్శించే స్థాయి లేదని ఏపీ పీసీసీ అధ్యక్షుడు రఘువీరా రెడ్డి మండిపడ్డారు. రాష్ట్రంలోని 175 అసెంబ్లీ, 25 పార్లమెంట్‌ స్థానాల్లో కాంగ్రెస్‌ పార్టీ పోటీ చేస్తుందని చెప్తే.. జగన్ తన సొంత మీడియాలో కేవలం ఓట్లు చీల్చేందుకే పోటీ అంటూ దిగజారుడు కథనాలు రాస్తున్నారని. కాంగ్రెస్ పార్టీనుద్దేశించి జగన్‌ సొంతమీడియా రాసిన కథనాలను ఉద్దేశించి జగన్‌పై తీవ్ర స్థాయిలో మండిపడ్డారు. రాష్ట్రపతి, ఉపరాష్ట్రపతి ఎన్నికల సమయంలో భాజపాకు మద్దతు పలికినందుకు ఎంత ముట్ట్టిందంటూ ప్రశ్నించారు. హోదా ఇస్తామని చెప్పిన కాంగ్రెస్‌ను జగన్ నమ్మరు గానీ ఇవ్వం పొమ్మని చెప్పిన భాజపాతో దోస్తీ చేస్తున్నారని మండిపడ్డారు. ఏ పార్టీ మద్దతూ లేని కేసీఆర్‌ ప్రతిపాదించిన ఫెడరల్ ఫ్రంట్‌కు జగన్ మద్దతు పలుకుతున్నారన్నారు.