యువ్ న్యూస్ జనరల్ బ్యూరో:

70వ గణతంత్ర దినోత్సవం సందర్బంగా మంగళగిరి సమీపంలో నిర్మితమవుతున్న జనసేన పార్టీ నూతన కార్యాలయ ప్రాంగణంలో పార్టీ అధ్యక్షుడు పవన్కళ్యాణ్  జాతీయ పతాకాన్ని ఆవిష్కరించి జెండా వందనం సమర్పించారు. మొదట సంప్రదాయబద్దంగా జాతీయ పతాకావిష్కరణ గావించిన ఆయన అనంతరం 80 అడుగుల ఎత్తులో భారీ జాతీయ పతాకాన్ని వినువీధిలో రెపరెపలాడించారు. ఈ కార్యక్రమంలో ఉమ్మడి ఆంధ్రప్రదేశ్ మాజీ స్పీకర్, జనసేన నాయకుడు  నాదెండ్ల మనోహర్, మాజీ మంత్రి రావెల కిషోర్బాబు, రాజకీయ వ్యవహారాల కన్వీనర్  మాదాసు గంగాధరం, పార్టీ జనరల్ సెక్రటరీలు  తోట చంద్రశేఖర్, ముత్తంశెట్టి కృష్ణారావు, రాష్ట్ర కన్వినర్  చింతల పార్ధసారధి, ఇతర ముఖ్య నాయకులు పాల్గొన్నారు.