యువ్ న్యూస్ పొలిటికల్ బ్యూరో:

ఎన్నికలు సమీపిస్తున్న తరుణంలో జనసేన పార్టీని ప్రజల్లోకి మరింతగా తీసుకెళ్లడానికి ఒక్కొక్కటిగా ప్రచార అస్త్రాలను సంధిస్తున్నారు పవన్ కళ్యాణ్. పాటకు ఉన్న ప్రాధాన్యత ఏంటో బాగా తెలిసిన పవన్ కళ్యాణ్ తన ప్రచార సాధనాలుగా పాటను ఉపయోగించుకుంటున్నారు. జనసేన కవాతు, పోరాట యాత్ర సమయాల్లో మోటివేషన్స్ సాంగ్స్‌ని విడుదల చేసి జనసైనికుల్లో ఉత్సాహం నింపిన పవన్.. తాజాగా మరో పాటను విడుదల చేశారు. ‘ఒకడొచ్చాడు.. వచ్చాడు’ అంటూ సాగిన ఈ పాటను వరికుప్పాల యాదగిరి పాడగా.. ఆయనే మ్యూజిక్ కంపోజ్ చేశారు. ఆర్. ఎ (అంజిబాబు) లిరిక్స్ అందించారు. ఇక విజువల్‌గానూ ఈ సాంగ్ జనసైనికుల్లో ఉత్సాహం నింపేదిగా ఉంది.