మళయాలి భామ, హీరోయిన్ ప్రియా ప్రకాశ్ వారియర్.. ఈ ముద్దుగుమ్మ ఒక్కసారి కన్నుకొట్టి కోట్లాదిమంది అభిమానులను సంపాదించుకుంది. ఒరు ఆధార్ అవ్ అనే సినిమాలో ఓ పాట కోసం కన్ను కొట్టి ఫేమసైపోయింది. ప్రియా ప్రకాశ్ వారియర్ నటించిన ఒరు ఆధార్ లవ్ సినిమా తెలుగులో లవర్స్ డే పేరుతో ఫిబ్రవరి 14న ప్రేక్షకుల ముందుకు రానుంది.ఈ సినిమా ప్రమోషన్ లో భాగంగా ప్రియా హైదరాబాద్ వచ్చారు. ఆమెను అక్కడ కొంత మంది కన్ను కొట్టమని అడిగారు. దీంతో ప్రియా ఈ విధంగా స్పందించారు.“తాను ఇప్పటికే 200 సార్లు కన్ను కొట్టాను. ఎక్కడికి వెళ్లినా కన్నుకొట్టమని అడుగుతున్నారు. అలా కొట్టి కొట్టి బోర్ కొడుతోంది. అలా కన్ను కొట్టడం ఎందుకు ఫేమస్ అయ్యిందో నాకు ఇప్పటికి కూడా అర్ధం కావడం లేదు. కన్ను కొట్టి ఫేమస్ అవటం కన్నా ప్రైవసీ కోల్పోయిన విషయం మాత్రం వాస్తవం.సినిమాలో సీన్ డిమాండ్ చేయడంతో కన్ను కొట్టాను కానీ ఇంతలా కన్ను కొట్టిస్తారనుకోలేదు. అయినా కూడా ప్రేక్షకులను నిరాశ పరుచకుండా కన్ను కొడుతూనే ఉన్నాను” అని ప్రియా ప్రకాశ్ వారియర్ అన్నారు.