హా.. వచ్చేశాడు మెగాబ్రదర్ నాగబాబు. ‘అంతా నా ఇష్టం’ అంటూ సొంతంగా యూట్యూబ్ ఛానల్ ఖాతా ఓపెన్ చేసిన నాగబాబు విమర్శలతో చెలరేగిపోతున్నారు. మొన్నటి వరకూ బాలయ్యని టార్గెట్ చేసి హాట్ టాపిక్ అయ్యారు నాగబాబు. నేను పాపులారిటీ కోసం ఇదంతా చేయడంలేదు అంతా జస్ట్ ఫర్ ఫన్ కోసమే అంటూ సొంతంగా ఖాతా ఓపెన్ చేసిన నాగబాబు. వరుసగా లోకేష్ బాబు, జగన్‌లను టార్గెట్ చేస్తూ వ్యంగాస్త్రాలు సంధించారు. తాజాగా చంద్రబాబుని టార్గెట్ చేస్తూ మరో వీడియోని విడుదల చేశారు. అంతా నా ఇష్టం’ అంటూ వరుసగా వీడియోలను విడుదల చేస్తున్న నాగబాబు కామెంట్స్‌లో పస లేకపోయినప్పటికీ జనసైనికుల్లో ఉత్సాహాన్నైతే నింపుతుందనే చెప్పొచ్చు. అందుకే నాగబాబు అలా వీడియో పోస్ట్ చేశారో లేదో.. లక్షల్లో లైక్‌లు.. వేలల్లో షేర్ల‌తో వైరల్ అవుతుంది. ఆయన కాన్సెప్ట్ ఏంటంటే.. గతంలో జగన్, లోకేష్, చంద్రబాబులు తడిబడిన మాటల్ని బూతద్దంలో చూపిస్తూ.. గట్టిగా ఓ.. వేసుకోండిరా అబ్బాయిలు అని వరుసు వీడియోలను పోస్ట్ చేస్తున్నారు. తాజాగా చంద్రబాబు గతంలో శాసన సభలో మాట్లాడుతూ.. పొరపాటున నోరుజారి ‘ ఈరోజు భారత దేశం మొత్తం మీద ఒకసారి చూస్తే.. అవినీతిలో కాని, అభివృద్ధిలో కాని మొదటి స్థానంలో ఉన్నాం’ అంటూ చేసిన కామెంట్స్‌ని టార్గెట్ చేస్తూ వీడియో రూపొందించారు నాగబాబు. ఈ వ్యాఖ్యల ద్వారా జనానికి చంద్రబాబు ఓ పొడుపు కథ పొడిచారని అందులో ఒక నిజం ఉంది ఒక అబద్ధం ఉందన్నారు. అవి ఏంటంటే.. అభివృద్దిలో నెం.1 స్థానం ‘అబద్ధం’.. అవినీతిలో నెం. 1 స్థానం ‘నిజం’. ఇదే చంద్రబాబు చెప్పారు. ఇంతకంటే నిజాలు చెప్పేవారు ఎవరు ఉంటారు’ అంటూ వ్యంగ్యాస్త్రాలు సంధించారు నాగబాబు. అంతా బాగానే ఉంది కాని.. మొన్న బాలయ్య.. నిన్న, జగన్, లోకేష్ బాబు.. ఈ రోజు చంద్రబాబు.. ఇలా ఒక్కొక్కరుగా తడబడిన మాటల్ని టార్గెట్ చేస్తూ వీడియోలు వదులుతున్న నాగబాబు.. తన తమ్ముడు పవన్ కళ్యాణ్‌కి సంబంధించి కూడా ఓ వీడియో వదిలితే బాగుంటుంది అంటూ ఇదిగో ఇలా పోస్ట్‌లు పెడుతున్నారు నాగబాబు ఫాలోవర్స్. మనం ఒక రాయి ఎదుటి వారి మీద వేస్తే.. పది రాళ్లు వచ్చి పడతాయ్ అని నాగబాబు ఎప్పుడు తెలుసుకుంటారో ఏంటో.