కర్నూలు జిల్లా కోయిలకుంట్ల మండలం సౌదర దీన్నే  గ్రామం దగ్గర ఆర్టీసీ బస్సు ఢీ కొని కీర్తన (3) అనే చిన్నారి మృతి చెందింది. సౌదర దీన్నే గ్రామానికి చెందిన దస్తగిరి,  అనసూయ దంపతులకు కుమార్తే కీర్తన. ఇంటికి సమీపంలోని అంగన్వాడి సెంటర్ లో చదువుకుంటుంది. అయితే ఆడుకోవడానికి రోడ్డుపైకి రావడంతో పొద్దుటూరు నుండి కర్నూలు కు వెళుతున్న ఆర్టీసీ బస్సు చిన్నారిని ఢీకొంది. దీంతో చిన్నారి అక్కడికక్కడే మృతి చెందింది. దీంతో అక్కడే ఉన్న స్థానికులు ఆర్టీసీ డ్రైవర్ ను పట్టుకుని చితకబాదారు.  ఎస్సై నరేష్ ఆధ్వర్యంలో పోలీసులు సంఘటన స్థలానికి చేరుకొని ఆర్టీసీ డ్రైవర్ స్టేషన్కు తరలించారు. చిన్నారి మృతి చెందడంతో ఆ గ్రామంలో విషాదఛాయలు అలుముకున్నాయి.