పంజాబ్‌ నేషనల్‌ బ్యాంకులో పాల్పడిన రూ.11,400 కోట్ల కుంభకోణంతో గీతాంజలి జెమ్స్‌ ఉద్యోగులు రోడ్డెక్కే పరిస్థితి ఏర్పడింది. నీరవ్‌ మోదీ అంకుల్‌ మెహుల్‌ చౌక్సికి చెందిన ఈ సంస్థలో పనిచేస్తున్న ఉద్యోగులను రిలీవింగ్‌ లెటర్లు తీసుకోవాలంటూ గీతాంజలి జెమ్స్‌ కోరింది. ఈ నేపథ్యంలో గీతాంజలి జెమ్స్‌ను మూసివేసే అవకాశాలు కనిపిస్తున్నాయని తెలుస్తోంది. పంజాబ్‌ నేషనల్‌ బ్యాంకులో పాల్పడిన రూ.11,400 కోట్ల కుంభకోణంలో నీరవ్‌ మోదీ, ఆయన అంకుల్‌ మెహుల్‌ చౌక్సిలు ప్రధాన పాత్రదారులుగా ఉన్నారు. ఈ స్కాం వెలుగులోకి రాకముందే నీరవ్‌ మోదీ, చౌక్సి దేశం విడిచి పారిపోయారు. ఇది ఇలా ఉండగా  పీఎన్‌బీ మోసంలో చౌక్సి ప్రమేయాన్ని గీతాంజలి జెమ్స్‌ ఖండిస్తోంది. చౌక్సికి వ్యతిరేకంగా వస్తున్న ఆరోపణలను ఖండిస్తున్నట్టు రెగ్యులేటరీ ఫైలింగ్‌లో పేర్కొంది.