అసలే ఈ వారం అంతా వాలెంటైన్స్ డే వీక్.. ఫిబ్రవరి 14 ప్రేమికుల దినోత్సవం కావడంతో వారమంతా సంబరాలకు రెడీ అయ్యారు లవర్స్. రోజ్ డే.. ప్రపోజ్ డే.. చాకోలేట్ డే.. టెడ్డీ డే.. ప్రామిస్ డే.. హగ్ డే.. కిస్ డే.. చివర్లో వాలంటైన్స్‌ డే.. ఇలా ఒక్కోరోజు ఒక్కోపండగన్నమాట. అయితే ఎప్పుడో చివర్లో అంటే ఫిబ్రవరి 13న చేసుకోవాల్సిన కిస్ డేని ముందే సెలబ్రేట్ చేసుకుంటూ ముద్దుల్లో మునిగిపోతుంది వింక్ బ్యూటీ ప్రియా వారియర్. కన్నుకొట్టి కుర్రహృదయాలను కొల్లగొట్టేసిన కన్నకొట్టుడు పిల్ల క్రేజ్‌ని క్యాష్ చేసుకునేందుకు ఆమె నటించిన ‘ఒరు ఆదార్ లవ్’ చిత్రాన్ని తెలుగులో ‘లవర్స్ డే’ పేరుతో డబ్ చేశారు. ఫిబ్రవరి 14న లవర్స్ డే సందర్భంగా ఈ ‘లవర్స్ డే’ మూవీని విడుదల చేస్తున్నారు. తాజాగా ఈ చిత్రానికి సంబంధించిన రొమాంటిక్ టీజర్‌ను వదిలిపెట్టింది చిత్ర యూనిట్. ఇందులో హీరో హీరోయన్లు ప్రియా వారియర్, రోషన్‌లు అధర చుంబనంలో మునిగితేలుతున్నారు. వింక్ బ్యూటీ ఎర్రని పెదాల రుచి చూసి మత్తులో తేలిపోతున్నాడు రోషన్. ఈ టీజర్‌లో ఇద్దరి మధ్య సంభాషణలు లవర్స్‌ని రొమాంటిక్ మూడ్‌లోకి తీసుకుపోతున్నాయి. ‘ఏంటి?.. ఏం లేదా?.. ఇది చెప్పడానికేనా నన్ను రమ్మన్నావు అని వింక్ బ్యూటీ అంటే.. మన ఇద్దరికీ ఇంత త్వరగా సెట్ అవుతుందని నేను అనుకోలేదని తెగ సిగ్గు పడిపోతూ హీరో అనడం.. దానికి హయ్య!! అంటూ ప్రియా వారియర్ ఓ రేంజ్‌లో ఎక్స్‌ప్రెషన్ ఇచ్చి.. సెట్ అయ్యిందా ఏం సెట్ అయ్యింది.. అసలు నేనెప్పుడు నీకు సైట్ కొట్టా.. నీకలా అనిపించి ఉంటుంది అంతే అంటూ వింక్ ఎక్స్‌ప్రెషన్ ఇచ్చిన ప్రియా వారియర్‌ని కళ్లు తిప్పుకునే లోపు.. ఆమె ఎర్రటి పెదాల రుచి చూస్తూ లిప్ లాక్ చేసేశాడు హీరో. ఇక ముద్దు రుచి చూసిన ప్రియా వారియర్ ఆ మత్తులో తేలిపోతుండాన్ని ఈ టీజర్‌లో చూపించారు. లవర్ డే రొమాంటిక్ టీజర్‌ అంటూ విడుదల చేసిన ఈ టీజర్ పేరుకు తగ్గట్టే రొమాన్స్‌‌తో కూడిన మసాలాని బాగానే దట్టించి వదిలిపెట్టారు. అయితే ఈ సినిమాలో ప్రియా వారియర్‌కు తెలుగులో ఉమ (ప్రముఖ దర్శకుడు రేలంగి నర్సింహారావు తమ్ముడి కూతురు) డబ్బింగ్ చెప్పడం విశేషం. తెలుగు, మలయాళంతోపాటు కన్నడ, తమిళ భాషల్లో ఈ చిత్రం ఏకకాలంలో విడుదల కానుంది. క్రేజీ డైరెక్టర్ ఒమర్ లులు దర్శకత్వం వహించిన ఈ చిత్రాన్ని తెలుగులో ఎ. గురురాజ్‌, సి.హెచ్‌.వినోద్‌రెడ్డి సుఖీభ‌వ సినిమాస్ బ్యానర్‌పై ఫిబ్రవరి 14న ప్రేక్షలకు అందిస్తున్నారు