ఈ మధ్య కాలంతో మెగా బ్రదర్ నాగబాబు అతిగా ఆవేశపడుతూ.. సినిమా ఇండస్ట్రీ పెద్దలపైన (మెగా ఫ్యామిలీ మినహా), రాజకీయ నాయకులపైన (పవన్ కళ్యాణ్ మినహా) ‘అంతా నా ఇష్టం’ అనే సొంత యూట్యూబ్ ఛానల్స్ ద్వారా విమర్శలు గుప్పిస్తున్న విషయం తెలిసిందే. అయితే ఇటీవల ‘తాళ జ్ఞానికి ప్రేమతో’ పేరులో ఏబీఎన్ రాధాక్రిష్ణ‌.. లోకేష్ బాబుని, చంద్రబాబుకి ఎలా భజన చేస్తున్నారో చూడండి అంటూ ఓ వీడియోను విడుదల చేశారు. అందులో ఏబీఎన్ ఛానల్‌కి సంబంధించిన వీడియోను ఉపయోగించడంతో వాటిని సదరు ఛానల్ యూట్యూబ్ నుండి డిలీట్ చేసేలా చర్యలు చేపట్టింది. దీంతో ఆగ్రహించిన నాగబాబు.. ఏబీఎన్‌పైన ఆ ఛానల్ అధినేత రాధాక్రిష్ణపైన ఓ రేంజ్‌లో ఫైర్ అవుతూ మళ్లీ ఓ వీడియోను విడుదల చేశారు. ప్రస్తుతం ఈ వీడియోను కూడా డిలీట్ చేశారు. అందులో రాధాక్రిష్ణని టార్గెట్ చేస్తూ.. ‘మాట్లాడితే పత్రికా స్వేచ్ఛను హరించకూడదు అని మీరే చెప్తారు. మా స్వేచ్ఛను మీరు హరించేయవచ్చా? మీరు ఏం తిట్టినా కూడా భరించాలా? మీ మీద ఓ జోక్ వేసినా తట్టుకోలేరా? ఎవరో ఒక ఆడపిల్ల బూతు తిడితే అది బూతు కాదు సాధారణంగా వాడే పదం అంటూ మీరు మామీద పర్సనల్‌గా మీ నోటికొచ్చినట్టు మీరు మాట్లాడతారు. దాన్ని మాత్రం మేం ప్రశ్నించకూడదా? మీరు చేసిన ‘భట్రాజ్’ పొగడ్తల్ని నేను చూపించా. మీరు ఆ వీడియోని ఆపుతారు కాని నన్ను ఎక్కడ ఆపుతారు ‘సీబీఎన్ భజన క్రిష్ణ’ అంటూ ఏబీఎన్ రాధాక్రిష్ణపై ఫైర్ అవుతూ వీడియో విడుదల చేశారు. అయితే ఇందులో ‘భట్రాజ్ పొగడ్తలు’ అనే పదాన్ని ఉపయోగించడంతో ఆ కమ్యునిటీ మనోభావాలు దెబ్బతినకుండా దిద్దుబాటు చర్యల్ని చేపడుతూ.. అసలు ఆ సంఘం ఒకటి ఉన్నదని నాకు తెలియదు అందుకే పొరపాటున నా నోటి నుండి ఆ పదం వచ్చేసింది క్షమించాలని కోరుతూ ఫేస్ బుక్‌ ద్వారా క్షమాపణలు కోరుతున్నారు నాగబాబు. ‘ఈ ఉదయం పోస్ట్ చేసిన వీడియోకి ఒక చిన్న వివరణ. ‘భట్రాజు’ అనే సంఘం వుందని నాకు తెలియదు, భట్రాజు సోదరులును కించ పరచడం నా అభిమతం కాదు, పొరపాటున నా నోటినుంచి ఆ పదం దొర్లినందుకు నన్ను క్షమించండి. ఇట్లు మీ నాగబాబు!’ అంటూ క్షమాపణలు కోరారు. అయితే నాగబాబు పోస్ట్‌పై పెద్ద చర్చే నడుస్తుంది. ‘భట్రాజు’ కమ్యునిటీ ఉందని తెలియకపోవడం ఏంటి సార్.. ఆ కులం పేరుతో చాలా మంది ఉన్నారు అంతెందుకు.. ‘పుట్టపర్తి సత్యసాయిబాబా గారు బట్రాజులు సార్ .నాకు తెలిసి భట్రాజులు అనేవారు ఎక్కువగా అనంతపురం జిల్లావాసులున్నారు. అలాగే రాజులేలిన కాలంలో రాజులకొలువులో రాజులయోక్క ఘణకార్యాలను పొగిడేవారిని భట్రాజులంటారనేది నాకు తెలిసిన విషయం. భట్రాజులను వారికులాన్ని కూడా హైజాక్ చేసేసారు దొంగవెధవలు. ఇందులో బాధపడవలసిన అంశం ఏమిలేదండి’ అంటూ నాగబాబు క్షమాపణలపై అద్దంకి జానకినాథ్ అనే నెటిజన్ స్పందించారు. ఇక మరికొంత మందైతే నాగబాబుపై ఫైర్ అవుతూ వరుస కామెంట్స్ చేస్తున్నారు.