ఫార్మా కంపెనీల నుంచి ప్రతి ఏటా ఒక కొత్త వ్యాక్సిన్‌ మార్కెట్‌లోకి వచ్చే విధంగా ప్రభుత్వం చర్యలు తీసుకొంటోందని తెలంగాణ ఐటీ శాఖ మంత్రి కేటీఆర్‌ చెప్పారు. హైదరాబాద్ లో మూడు రోజుల పాటు జరిగే బయో ఏషియా-2018 సదస్సును కేటీఆర్‌ ప్రారంభించారు. ఈ సదస్సుకు యాభై దేశాల నుంచి 1200 మందికిపైగా ప్రతినిధులు హాజరవుతున్నారు. బయో టెక్నాలజీ, లైఫ్‌ సైన్సెస్‌ రంగంలో వస్తున్న ఆధునిక పరిశోధనలపై చర్చిస్తున్నారు. ప్రపంచానికి చౌకైన వ్యాక్సిన్లు అందించడంలో హైదరాబాద్‌ అగ్రస్థానంలో ఉందని ఈ సందర్భంగా మంత్రి కేటీఆర్‌ చెప్పారు.