పశ్చిమగోదావరి  జిల్లాలో ఘోర రోడ్డు ప్రమాదం చోటుచేసుకుంది.  ఎదురెదురుగా వస్తున్న రెండు లారీలు ఢీకొన్న సంఘటనలో ఓ లారీ డ్రైవర్ సజీవ దహనమయ్యాడు. నల్లజర్ల మండలం దూబచర్ల దగ్గర సోమవారం ఉదయం రెండు లారీలు ఢీకొన్నాయి.  దీంతో ఓ లారీ ఆయిల్ ట్యాంకర్లో మంటలు చెలరేగాయి.  అనంతరం రెండు లారీలు పూర్తిగా దగ్ధమవగా ఓ లారీ డ్రైవర్ సజీవదహనమయ్యాడు. సమాచారమందుకున్న పోలీసులు ప్రమాద స్థలికి చేరుకుని ప్రమాదం జరిగిన తీరును పరిశీలించారు. అలాగే కేసునమోదుచేసి దర్యాప్తు చేస్తున్నారు.