బాహుబలి తర్వాత యంగ్ రెబల్ స్టార్ ప్రభాస్ నటిస్తున్నల మూవీ సాహో. సుజీత్ డైరెక్షన్ లో  తెరకెక్కుతున్న ఈ మూవీ కోసం ప్రేక్షకులు ఆతృతగా ఎదురు చూస్తున్నారు. ఈ స్పై థ్రిల్లర్ హాలీవుడ్ రేంజ్ లో  తెరకెక్కుతున్నది. తెలుగులో తెరంగేట్రం చేస్తున్న బాలీవుడ్ నటి శ్రద్ధా కపూర్ బర్త్ డే సందర్భంగా విడుదల చేసిన సాహో మేకింగ్ వీడియో ఇప్పుడు యూట్యూబ్ లో  సంచలనాలు సృష్టిస్తున్నది. స్వతంత్ర దినోత్సవం సందర్భంగా ఆగస్ట్ 15న ఈ మూవీ ప్రేక్షకుల ముందుకు రానుంది. ఆదివారం విడుదలైన ఈ ప్రోమో చూస్తే మూవీలో యాక్షన్ సీన్స్ అదిరిపోవడం ఖాయంగా కనిపిస్తున్నది. ఊహించినట్లే ఈ వీడియోకు ఫ్యాన్స్ నుంచి భారీ రెస్పాన్స్ వచ్చింది. వీడియో యూట్యూబ్ లో  అప్లోడ్ చేసిన 12 గంటల్లోనే 70 లక్షలకుపైగా వ్యూస్ రావడం విశేషం. అన్ని భాషల్లో రిలీజ్ చేసిన వీడియోలు అన్నింటికీ కలిపి ఈ వ్యూస్ వచ్చినట్లు సాహో టీమ్ చెప్పింది. ట్విటర్లో ఈ విషయం వెల్లడించింది. రూ.300 కోట్లతో ఈ మూవీని తెరకెక్కిస్తుండటం విశేషం. ప్రభాస్ తో  పాటు శ్రద్ధా కపూర్, నీల్ నితిన్ ముకేశ్, అరుణ్ విజయ్, ఎవ్లిన్ శర్మ, జాకీ ష్రాఫ్, చుంకీ పాండే ప్రధాన పాత్రల్లో కనిపిస్తున్నారు. రెండేళ్లుగా ఈ మూవీ షూటింగ్ జరుపుకుంటూనే ఉంది