యువ్ న్యూస్ ఫిల్మ్ బ్యూరో:

మూవీ ఆర్టిస్ట్ అసోసియేషన్ (మా)  అధ్యక్ష పీఠం కోసం జరిగిన ఎన్నికల్లో సీనియర్ నటుడు నరేశ్ విజయం సాధించాడు. ఆదివారం ఉదయం 8 గంటలకు పోలింగ్ ప్రారంభం కాగా, మధ్యాహ్నం రెండు గంటల వరకు కొనసాగింది.  ‘మా’లో మొత్తం 745 ఓట్లు ఉండగా ఈసారి అత్యధికంగా 472 మంది తమ ఓటు హక్కును వినియోగించుకున్నారు. అసోసియేషన్ అధ్యక్షుడిగా నరేశ్ ఎన్నిక కాగా, ప్రధాన కార్యదర్శిగా జీవితారాజశేఖర్, ఎగ్జిక్యూటివ్ వైస్ ప్రెసిడెంట్‌గా రాజశేఖర్, ఉపాధ్యక్షులుగా  ఎస్వీ కృష్ణారెడ్డి, హేమ, కోశాధికారిగా రాజీవ్‌ కనకాల గెలుపొందారు.