సూపర్ స్టార్ మహేష్ బాబు సినిమా అంటేనే బాగా కాస్ట్లీ.. రెమ్యునరేషన్ మొదలు నిర్మాణం, ప్రమోషన్స్, రిలీజ్ ఇలా ప్రీ ప్రొడక్షన్స్ నుండి పోస్ట్ ప్రొడక్షన్స్ వరకూ ఆన్నీ భారీగానే ఉంటాయి. తాజాగా మహేష్ ప్రతిష్టాత్మక 25 మూవీ ‘మహర్షి’ చిత్రాన్ని ముగ్గురు అగ్ర నిర్మాతలు దిల్‌ రాజు, అశ్వనీదత్‌, పీవీపీలు సంయుక్తంగా నిర్మిస్తున్నారంటే ఈ చిత్ర భారీతనం గురించి చెప్పాల్సిన అవసరం లేదు.‘భరత్ అనే నేను’ బ్లాక్ బస్టర్ హిట్ తరువాత సక్సెస్‌ఫుల్ దర్శకుడు వంశీ పైడిపల్లి దర్శకత్వంలో ‘మహర్షి’ ప్రేక్షకుల ముందుకు వస్తుండటంతో ఈ చిత్రంపై భారీ అంచనాలే ఉన్నాయి. ఈ అంచనాలకు తగ్గట్టుగా మే 9న భారీ విడుదలకు రెడీ అయ్యింది ‘మహర్షి’. విడుదలకు ముందే ఈ చిత్రంపై పాజిటివ్ బజ్ ఉండటంతో దాన్ని క్యాష్ చేసుకునేందుకు ‘మహర్షి’ బిజినెస్‌ అదే రేంజ్ జరిపిస్తున్నారు నిర్మాతలు. తెలుగు రాష్ట్రాలతో పాటు మహేష్‌కి ఓవర్సీస్‌లోనూ మంచి మార్కెట్ ఉంది. అయితే బ్రహ్మోత్సవం, స్పైడర్ భారీ డిజాస్టర్స్ ఆయన మార్కెట్ రేటును దెబ్బకొట్టాయి. కాగా భరత్ అనే నేను చిత్రంతో తిరిగి పూర్వవైభవాన్ని అందుకున్నారు మహేష్. దీంతో ‘మహర్షి’ చిత్రాన్ని ఓవర్సీస్‌లో భారీ రేటు సేల్ చేయడానికి నిర్మాతలు చెప్పిన ఫిగర్ అక్కడి బయ్యర్ల కళ్లు బైర్లు కమ్మేట్టు చేశాయట. ఈ చిత్రానికి ఏకంగా రూ. 18 కోట్లు ఓవర్సీస్ రైట్స్ చెప్పడంతో ఆలోచనలో పడ్డారట బయ్యర్లు. మహేష్‌కి ఓవర్సీస్‌లో క్రేజ్ ఉన్నమాట వాస్తమమే.. కాని మరీ రూ. 18 కోట్లు పెట్టడం అంటే సాహసమే అవుతుంది. సినిమా హిట్ అయితే రెట్టింపు వసూళ్లు రాబట్టొచ్చు కాని.. యావరేజ్ టాక్ వచ్చినా ఈ మొత్తాన్ని రాబట్టడం కష్టమే. ఈ తరుణంలో నిర్మాతల త్రయంతో బేరాలు మొదలు పెట్టారట ఓవర్సీస్ బయ్యర్లు. రూ. 12 నుండి 13 కోట్ల వరకూ ఓవర్సీస్ బేరాలు సాగినట్టు ట్రేడ్ వర్గాల నుండి సమాచారం