ఎన్నికల సమయం ముంచుకొస్తున్న తరుణంలో ఆంధ్రప్రదేశ్‌లో పొలిటికల్ హీట్ పెరిగిపోయింది. రాజకీయ పార్టీలు ఓవైపు అభ్యర్థుల ఎంపికలో తలమునకలై ఉన్నా విమర్శలు, ఆరోపణలతో ప్రత్యర్థులపై మాటల దాడి కొనసాగిస్తూనే ఉన్నాయి. గత ఎన్నికల్లో కలిసి పోటీచేసినా టీడీపీ-బీజేపీ మధ్య ఇప్పుడు పచ్చగడ్డి వేస్తే భగ్గుమనేలా ఉంది పరిస్థితి. సందు దొరికితే ఒకరిపై ఒకరు ఆరోపణలతో దుమ్మెుత్తి పోసుకుంటున్నారు. సోషల్‌మీడియాలోనూ పొలిటికల్ వార్ తీవ్రమైంది. ఈ నేపథ్యంలోనే ముఖ్యమంత్రి చంద్రబాబుపై బీజేపీ రాష్ట్ర అధ్యక్షుడు కన్నా లక్ష్మీనారాయణ ట్విటర్ వేదికగా సెటైర్ వేశారు. ‘ప్రజలకి సమాధానం చెప్పం.. కేంద్రానికి లెక్కలు చెప్పం.. మీడియాకి నిజాలు చెప్పం.. ఐనా నన్ను నమ్మండి ఎందుకంటే నాది కుప్పం! ఇలా మాట్లాడే ఆయన ఎవరో తెలుసా?.. అంటూ చంద్రబాబును ఉద్దేశిస్తూ వ్యంగ్యంగా ట్వీట్ చేశారు కన్నా. ‘వెన్నుపోటుకి వారసుడు, యూటర్న్‌కి దగ్గరి చుట్టం’ అంటూ హింట్ ఇస్తూ ఊసరవెల్లి ఫోటోను షేర్ చేశారు. కన్నా ట్వీట్‌పై టీడీపీ శ్రేణులు మండిపడుతున్నాయి. సోషల్‌మీడియాలో యాక్టివ్‌గా పసుపు సైనికులు కన్నాను విపరీతంగా ట్రోల్ చేస్తో్ంది. ఒక్క నెలరోజులు ఆగితే నీ జాతకమేంటో తెలుస్తుందని ఓ నెటిజన్ కన్నాకు కౌంటర్ ఇచ్చాడు.