విశాఖ తూర్పు నియోజకవర్గం టిడిపికి కంచుకోట లాంటింది. రెండు సార్లు ఇక్కడ టిడిపి జెండా ఎగరడంతో రాష్ట్ర రాజకీయాల్లో ఈస్ట్  నియోజకవర్గానికి ప్రత్యేకత ఉంది. అత్యధిక జనాభా కలిగిన నియోజకవర్గంగా ఉన్న తూర్పు నియోజ కవర్గంలో ఎప్పుడూ పోరు రసవత్తగానే కొనసాగుతుంది.విశాఖ తూర్పు నియోజకవర్గంలో మొత్తం 2,31,910 ఓటర్లు ఉండగా వీరిలో పురుషులు 115295, స్త్రీలు 116605 మంది ఉన్నరు.రెండు సార్లు గెలిచిన వెలగపూడి రామకృష్ణ బాబును ఢీకొట్టేందుకు వంశీ క్రిష్ణ శ్రీనివాస్ కృషి చేస్తున్నారు.రామక్రిష్ణ బాబు చేతిలో రెండుసార్లు పరాభవం చెందిన వంశీకృష్ణ తన అదృష్టాన్ని మరోసారి పరీక్షించుకోనున్నారు. ఇక సిట్టింగ్ ఎమ్మెల్యే రామకృష్ణ బాబు నియోజకవర్గంలో బలమైన క్యాడర్ ఉడడం ఆయనకు మంచి అవకాశంగా మారింది.

తొలిసారి ప్రజారాజ్యం నుంచి, రెండోసారి వైసీపి ఇలా రెండు సార్లు ఓటమిని చవి చూసిన వంశీ కృష్ణ శ్రీనివాస్ గెలుపు కోసం అహర్నిశలు శ్రమిస్తున్నారు. టిడిపి పార్టీ అధినేత చంద్రబాబు నాయుడు అధికారకంగా జాబితాను ప్రకటించడంతో ప్రచారంలో టిడిపి అభ్యర్ధులు దూసుకుపోతున్నారు.ఈ క్రమంలో విశాఖ తూర్పు నుంచి మరోసారి విజయాన్ని సాదించేందుకు టిడిపి అభ్యర్ధి వెలగపూడి రామకృష్ణ బాబు ప్రచార ప్రణాళికలు సిద్దం చేస్తున్నారు. మరోవైపు కాంగ్రెస్, జనసేన అభ్యర్ధుల కోసం వేట సాగించే ప్రయత్నంలో ఉంది.