పత్తికొండ తెలుగుదేశం పార్టీ అసెంబ్లీ అభ్యర్థిగా కే.ఈ శ్యామ్ బాబు గురువారం 11 గంటలకు నామినేషన్ వేస్తున్నట్టు టిడిపి నాయకులు తెలియజేశారు. పత్తికొండ టిడిపి కార్యాలయంలో నాయకులు మాట్లాడుతూ గురువారం ఉదయం 11 గంటలకు నామినేషన్ వేస్తారని, నామినేషన్ పత్రాలను స్థానిక తహసిల్దార్ కార్యాలయంలోని రిటర్నింగ్ అధికారికి అందజేస్తారని టిడిపి నాయకులు తెలియజేశారు. ఈ నామినేషన్ కార్యక్రమం కు నియోజకవర్గంలో నలుమూలల ఉన్న టిడిపి నాయకులు, కార్యకర్తలు అధిక సంఖ్యలో తరలిరావాలని వారు తెలియజేశారు.ఎన్నికల తేదీ సమీపిస్తున్న వేళ టిడిపిలోకి భారీగా వలసలు కొనసాగుతున్నాయి. చక్రాల గ్రామానికి చెందిన 50 వైసిపి కుటుంబాలు శ్యాంబాబు ఆధ్వర్యంలో పత్తికొండ స్థానిక టిడిపి కార్యాలయంలో టిడిపి పార్టీలోకి చేరారు. బుధవారం మధ్యాహ్నం స్థానిక తాహసిల్దార్ కార్యాలయం నందు కే.ఈ శ్యాంబాబు మొదటి సెట్ నామినేషన్ పత్రాలను దాఖలు చేశారు. గురువారం జరిగే నామినేషన్ కార్యక్రమాన్ని టిడిపి నాయకులు కార్యకర్తలు విజయవంతం చేయాలని వారు తెలియజేశారు.