యువ్ న్యూస్ స్పోర్ట్స్ బ్యూరో:

ఢిల్లీ.. ఐపీఎల్‌-12ను ఘన విజయంతో ఆరంభించింది. చిచ్చరపిడుగు రిషభ్‌ పంత్‌ (27 బంతుల్లో 7 ఫోర్లు, 7 సిక్సర్లతో 78 నాటౌట్‌) అజేయ అర్ధ శతకంతో విరుచుకుపడడంతో.. ఆదివారం ముంబై ఇండియన్స్‌తో మ్యాచ్‌లో ఢిల్లీ క్యాపిటల్స్‌ 37 పరుగుల తేడాతో నెగ్గింది. ఢిల్లీ నిర్దేశించిన 214 పరుగుల భారీ లక్ష్య ఛేదనలో ముంబై 19.2 ఓవర్లలో 176 పరుగులకు ఆలౌటైంది. యువరాజ్‌ సింగ్‌ (35 బంతుల్లో 5 ఫోర్లు, 3 సిక్సర్లతో 53) అర్ధ శతకం సాధించాడు. తొలుత ఢిల్లీ నిర్ణీత 20 ఓవర్లలో 6 వికెట్ల నష్టానికి 213 పరుగుల భారీ స్కోరు చేసింది. కొలిన్‌ ఇన్‌గ్రామ్‌ (47) రాణించగా.. కశ్మీరీ పేసర్‌ రసిక్‌ సలామ్‌ ముంబై తరఫున అరంగేట్రం చేశాడు.