గుండెపోటుతో కన్నుమూసిన ప్రముఖ నటి శ్రీదేవి భౌతికకాయాన్ని ముంబై తీసుకువస్తున్నారు. వివాహ వేడుకకు కుటుంబ సభ్యులతో కలిసి దుబాయ్ వెళ్లి అక్కడే ఆదివారం ఉదయం గుండెపోటుతో ప్రముఖ నటి శ్రీదేవి  కన్నుమూశారు . ఆమె  భౌతికకాయాన్ని రాత్రికల్లా  ముంబైకి తీసుకువస్తారని ఎయిర్‌పోర్ట్ అథారిటీ ఆఫ్ ఇండియా వర్గాల సమాచారం. శ్రీదేవి భౌతికకాయాన్ని ఒక ప్రైవేటు జెట్‌లో తీసుకురానున్నారు. ఈ విమానం ముంబై నుంచి మధ్యాహ్నం ఒంటి గంటకు బయలుదేరి 4 గంటలకు దుబాయ్ చేరుతుంది. రాత్రి 8 గంటలకు ముంబై తిరిగి వస్తుంది.