యువ్ న్యూస్ పొలిటికల్ బ్యూరో:

ఏపీలో ఎన్నికల నామినేషన్ల ఘట్టం ముగిసింది. ఇక అభ్యర్థులంతా ఎన్నికల ప్రచారంపై దృష్టిపెట్టారు. ఓటర్లను కలుస్తూ ఇంటింటి ప్రచారం మొదలు పెట్టారు. నియోజకవర్గాలను చుట్టేస్తూ దూకుడు పెంచారు. హిందూపురం నుంచి టీడీపీ తరపున రెండోసారి ఎమ్మెల్యే అభ్యర్థిగా బరిలోకి దిగారు నందమూరి బాలకృష్ణ. ఈ నెల 22న నామినేషన్ కూడా దాఖలు చేశారు. నియోజకవర్గంలో ప్రచారాన్ని ముమ్మరం చేశారు. బాలయ్య తరపున సతీమరణి వసుంధర కూడా ప్రచారం మొదలు పెట్టారు. నాలుగు రోజులుగా నియోజకవర్గంలో ప్రచారంలో బిజీ అయ్యారు. టీడీపీ మహిళా కార్యకర్తలతో కలిసి ప్రచారం చేస్తూ.. బాలయ్యను మరోసారి దీవించాలంటూ ఓటర్లను కలుస్తున్నారు. బాలయ్య ఈ ఐదేళ్లలో హిందూపురంను ఎంతో అభివృద్ధి చేశారని.. మరోసారి అవకాశం కల్పించాలని కోరారు. తన ప్రచారానికి మంచి వస్తుందన్నారు వసుంధర. హిందూపురం ప్రజలు తెలుగుదేశం పార్టీకి బ్రహ్మరథం పడుతున్నారంటున్నారు. బాలయ్య మరోసారి భారీ మెజార్టీతో గెలుస్తారని ధీమా వ్యక్తం చేశారు వసుంధర