యువ్ న్యూస్ స్పోర్ట్స్ బ్యూరో:

కోల్‌కతా నైట్‌రైడర్స్‌ ఖాతాలో మరో విజయం. ఆండ్రీ రసెల్‌ ఆల్‌రౌండ్‌ జోరుతో బుధవారం జరిగిన మ్యాచ్‌లో ఆ జట్టు 28 పరుగుల తేడాతో పంజాబ్‌పై విజయం సాధించింది. రసెల్‌ (48; 17 బంతుల్లో 3×4, 5×6)తో పాటు నితీష్‌ రాణా (63; 34 బంతుల్లో 2×4, 7×6) రెచ్చిపోవడంతో మొదట కోల్‌కతా 4 వికెట్లకు 218 పరుగులు చేసింది. రాబిన్‌ ఉతప్ప (67 నాటౌట్‌; 50 బంతుల్లో 6×4, 2×6) రాణించాడు. ఛేదనలో పంజాబ్‌ 4 వికెట్లకు 190 పరుగులే చేయగలిగింది. మయాంక్‌ (58; 34 బంతుల్లో 6×4, 1×6), మిల్లర్‌ (59 నాటౌట్‌; 40 బంతుల్లో 5×4, 3×6) మెరుపులు ఏమాత్రం సరిపోలేదు. 2 వికెట్లు కూడా తీసిన రసెల్‌కు ‘మ్యాన్‌ ఆఫ్‌ ద మ్యాచ్‌’ అవార్డు లభించింది.